أه والله يا سيدي إنت قرأتها صح
وليكن انت معاك مال قارون مثلًا (ياااه ومين فينا ميتمناش كدة ... ده أنا هجيب كذا وكذا ..الخ)
يا أخي سيبني أكملك بس
انت معاك الثروة دي كلها ولكن متحددلك حاجة واحدة تقدر تشتريها بيها بس ( ايه القفلة والغم ده بقا)
ايووة شوفت بقى انك كنت في الاول أسعد بكتير لما مكنتش مقيد... في الفترة اللي مفيش معاك فيها فلوس كنت بتتمنى تشتري حاجة معينة بس مش قادر فبتزعل ... طب الوقتي معاك فلوس وبينك وبين الحاجة اللي نفسك تشتريها خطوة واحدة بس ،بس مش قادر تشتريها لأنك مقيد بقيود حكماك يعني الزعل بقى مضاعف وأكتر كمان ... يعني الحاجة اللي كنت بتستناها عشان تبدأ سعادتك من عندها هي اللي بقت سبب كبوتك طب ما تبدأ تسعد نفسك بأقل القليل اللي في ايدك ده اللي انت متحكم فيه مش اللي هو متحكم فيك...
أكثر الناس يظن إن السعادة تتمثل في الثراء والغنى ...إلخ. كل شخص حسب شخصيته بقى (وللناس فيما يعشقون مذاهب)...
ولذلك يقولك إن السعادة مصطلح نسبي يتغير من شخص لآخر...
يابن الحلال متوقفش سعادتك وابداعاتك لمجرد إنك متملكش حاليًا إمكانيات...لا إسعد نفسك الوقتي وابدا اعمل الحاجة اللي بتحبها الوقتي ولو بإمكانيات بسـيـطة جدًا لأن السعادة قرار بإنك تقدر تسعد نفسك بأقل الإمكانيات وده بس لو (قررت).
بالظبط زي الشخص اللي مش متوفر معاه امكانيات وادوات كتير بس بينتج موضوع او منتج معين بشكل رائع .. الفكرة إنك هتلاقيه مبسوط جدًا لانه قدر يبدع بأدوات بسيطة..الفكرة بالنفس وشخصية كل واحد .. هل هو مؤمن بقدرته على تجاوز اي صعب ولا لا ...
السعادة الحقيقية قرار يتخذه الإنسان بإرادته ورغبته فلو عزم الإنسان أنه يكون سعيد هيفرح بأبسط الأشياء وأصغرها وهيرضى بها...
يعني متتلككش بعدم وجود إمكانيات كبيرة وفلوس ...إلخ. فتقوم مكتئب بقى...
لأ اسعد نفسك بأقل القليل وواحدة واحدة هتلاقيك بتوصل للي انت خططت له من غير ما تحس
وزي ما بيقولوا يا سيدي (لا تَحقرن صغيرة إنّ الجبال من الحصى)
يمكن الحاجة اللي بتستناها عشان توصلك للإمكانيات دي هي اللي تجيبلك اشد المصائب...
حاول في مرة تسجل آثار الحزن والتشاؤم في ورقة وفي مرة تانية تسجل آثار السعادة...
وبعدين قارن بين الورقتين في وقت تكون فيه متزن نفسيًا وشوف هتبتسم وترتاح وانت بتقرأ أي ورقة؟
وبعد ده كله هتتأكد إن السعادة قرار نابع من جواك...
_________________________________________________________________________ /*مهما كان مقدار الحزن كبير أد إيه ، من الممكن ذرة فرح بس تيجي وتمحي الحزن ده كله....بمعنى اصح انك لما تحقق سعادتك بالامكانيات الصغيرة اللي معاك دي هو اللي هيتبنى عليه بعد كدة سعادة كبيرة ومش عاوز اقول دايمة ولكن حتى لو تخللها بعض الحزن فبردة هيفضل في الاصل السعادة والحزن ده هياخد وقت بس ويروح تاني …
على العكس تمامًا ممكن ذرة الحزن دي متأثرش أصلًا على الفرح حتى ولو كان صغير
وده إن دل على شيء فهيدل على إن طبيعة القلب هي الفرح والسعادة اصلًا*/
وليكن انت معاك مال قارون مثلًا (ياااه ومين فينا ميتمناش كدة ... ده أنا هجيب كذا وكذا ..الخ)
يا أخي سيبني أكملك بس
انت معاك الثروة دي كلها ولكن متحددلك حاجة واحدة تقدر تشتريها بيها بس ( ايه القفلة والغم ده بقا)
ايووة شوفت بقى انك كنت في الاول أسعد بكتير لما مكنتش مقيد... في الفترة اللي مفيش معاك فيها فلوس كنت بتتمنى تشتري حاجة معينة بس مش قادر فبتزعل ... طب الوقتي معاك فلوس وبينك وبين الحاجة اللي نفسك تشتريها خطوة واحدة بس ،بس مش قادر تشتريها لأنك مقيد بقيود حكماك يعني الزعل بقى مضاعف وأكتر كمان ... يعني الحاجة اللي كنت بتستناها عشان تبدأ سعادتك من عندها هي اللي بقت سبب كبوتك طب ما تبدأ تسعد نفسك بأقل القليل اللي في ايدك ده اللي انت متحكم فيه مش اللي هو متحكم فيك...
أكثر الناس يظن إن السعادة تتمثل في الثراء والغنى ...إلخ. كل شخص حسب شخصيته بقى (وللناس فيما يعشقون مذاهب)...
ولذلك يقولك إن السعادة مصطلح نسبي يتغير من شخص لآخر...
يابن الحلال متوقفش سعادتك وابداعاتك لمجرد إنك متملكش حاليًا إمكانيات...لا إسعد نفسك الوقتي وابدا اعمل الحاجة اللي بتحبها الوقتي ولو بإمكانيات بسـيـطة جدًا لأن السعادة قرار بإنك تقدر تسعد نفسك بأقل الإمكانيات وده بس لو (قررت).
بالظبط زي الشخص اللي مش متوفر معاه امكانيات وادوات كتير بس بينتج موضوع او منتج معين بشكل رائع .. الفكرة إنك هتلاقيه مبسوط جدًا لانه قدر يبدع بأدوات بسيطة..الفكرة بالنفس وشخصية كل واحد .. هل هو مؤمن بقدرته على تجاوز اي صعب ولا لا ...
السعادة الحقيقية قرار يتخذه الإنسان بإرادته ورغبته فلو عزم الإنسان أنه يكون سعيد هيفرح بأبسط الأشياء وأصغرها وهيرضى بها...
يعني متتلككش بعدم وجود إمكانيات كبيرة وفلوس ...إلخ. فتقوم مكتئب بقى...
لأ اسعد نفسك بأقل القليل وواحدة واحدة هتلاقيك بتوصل للي انت خططت له من غير ما تحس
وزي ما بيقولوا يا سيدي (لا تَحقرن صغيرة إنّ الجبال من الحصى)
يمكن الحاجة اللي بتستناها عشان توصلك للإمكانيات دي هي اللي تجيبلك اشد المصائب...
حاول في مرة تسجل آثار الحزن والتشاؤم في ورقة وفي مرة تانية تسجل آثار السعادة...
وبعدين قارن بين الورقتين في وقت تكون فيه متزن نفسيًا وشوف هتبتسم وترتاح وانت بتقرأ أي ورقة؟
وبعد ده كله هتتأكد إن السعادة قرار نابع من جواك...
_________________________________________________________________________ /*مهما كان مقدار الحزن كبير أد إيه ، من الممكن ذرة فرح بس تيجي وتمحي الحزن ده كله....بمعنى اصح انك لما تحقق سعادتك بالامكانيات الصغيرة اللي معاك دي هو اللي هيتبنى عليه بعد كدة سعادة كبيرة ومش عاوز اقول دايمة ولكن حتى لو تخللها بعض الحزن فبردة هيفضل في الاصل السعادة والحزن ده هياخد وقت بس ويروح تاني …
على العكس تمامًا ممكن ذرة الحزن دي متأثرش أصلًا على الفرح حتى ولو كان صغير
وده إن دل على شيء فهيدل على إن طبيعة القلب هي الفرح والسعادة اصلًا*/
mahmoud elzabet
Subscribe My Channel
No comments:
Post a Comment